.. الجــــاناش (Ganache) .. اهداء خاص

اهداء خاص الى من يحب الشكولاته




.. الجــــاناش (Ganache) ..



أصلها فرنسي وهي ببساط عبارة عن شوكولاتة خام تُخلط مع كريمة الخفق أو الكريمة الثقيلة كطريقة أساسية .. وفي بعض الوصفات بتضيف الزبدة أو بعض المنكهات
( قرفة .. قهوة .. فانيليا ...... ) .. حسب الرغبة ..

.. وغالباً بتستخدم في التغليف أكتر من الحشو .. واللي بيميزها سطحها الناعم اللامع المرتب اللي بيعطي الكيكة منظر جميل وجاهز للتقديم أو حلو للتزيين



.. بالنسبة لنوعية الشوكولاتة المستخدمة في عمل الجاناش بتختلف من وصفة لأخرى ومن شخص لآخر حسب الأذواق والرغبة .. والأكثر شيوعاً هو استخدام الشوكولاتة متوسطة الحلاة (وهي الأساسية والأكثر استخداماً لاحتوائها على نسبة عالية من الكاكاو اللي بيكسبها الطعم واللون المميز) .. واسمها بالانجليزي
(Semi-Sweet / Bittersweet Chocolate) ..

.. أما بالنسبة للوصفات المحتوية على زبدة فهي لجعل الخلطة غنية .. والمكنهات حسب الذوق ..

.. ممكن أيضاً عمل الجاناش بنفس الطريقة مع الشوكولاتة البيضاء إذا كنتي بتفضليها بيضاء للتغليف ..

.. المقادير ..

كوب من الشوكولاتة القطع

ثلاثة أرباع كوب كريمة الخفق أو الكريمة الثقيلة

والمنكهات حسب الرغبة


.. الطريقة ..

1- سخني الكريمة في إناء على النار لحد ما تشوفي البخار بدأ يطلع منها (ولا تخليها تغلي) ..

2- صبيها على قطع الشوكولاتة وحركيها لحد ما تذوب الشوكولاتة وتندمج مع الكريمة ..

3- زيني ..


أيضاً طريقة حلوة باستخدام الجاناش .. وهو تحطيها في الثلاجة لحد ما تجمد واخفقيها بالخفاقة الكهربائية وحتحصلي على نوع جميل وفاتح من الحشوات الممكن تستخدميعا في الحشو ..


.. وهنا استخدمت الزبدة في المقادير .. قامت بتسخين الشوكولاتة والكريمة مع بعض في الميكروويف على الحرارة المتوسطة
من 2 - 3 دقائق (وانتبهي ما تخليه يغلي) .. بس لحد ما تكون الشوكولاتة بدأت تذوب ..

.. حركيها جيداً لحد ما تندمج الشوكولاتة مع الكريمة وبعدين بتضيفيلها الزبدة وبتحركيها معاها لحد ما يتجانس الجميع ..

.. اتركيها لمدة 20 دقيقة تقريباً .. عشان تبرد شوية بس ما تجمد على الآخر .. لأننا بنحتاجها سائلة وفي نفس الوقت شوية باردة بما فيه الكفاية عشان تلتصق معاكِ بالكيكة بشكل جيد ..

.. صبيها على الكيكة ورتبيها .. واتركيها لمدة ساعة قبل التقديم عشان تجمد .. أو حطيها في الثلاجة لمدة 20 دقيقة ..


.. بالنسبة لاستخدام الزبدة ومقدارها .. تقريباً لكل كوب شوكولاتة .. وثلاثة أرباع كوب كريمة .. بنستخدم ملعقتين طعام زبدة ..


.. والطرق عديدة وكثيرة ولكِ حرية الاختيار .. لكن الطريقة الأساسية هي تسخين الكريمة وصبها على الشوكولاتة لتذوب من حرارتها .. أو تسخنيهم مع بعض .. وفي ناس ما بتفضل إنك تسخنيهم مع بعض على الفرن العادي إنما في الميكروويف


وهده بعض لشكولاته كمان اهداء خاص














مع تحياتي

ميرلا مملكة الاحزان